حوزہ نیوز ایجنسی کی رپورٹ کے مطابق، حجت الاسلام والمسلمین ڈاکٹر محمد یعقوب بشوی کی کوششوں سے لاہور میں مدرسہ زینبیہ کی طالبات کے لیے فن خطابت کے مقدماتی کورس کا اہتمام کیا گیا، جس میں مدرسہ ہذا کی طالبات نے کثیر تعداد میں شرکت کی۔
فن خطابت کی اختتامی تقریب علامہ ڈاکٹر محمد حسین اکبر نے خصوصی شرکت کی اور خطاب میں کہا کہ ہم علامہ ڈاکٹر محمد یعقوب بشوی صاحب کی زحمتوں کا خصوصی شکریہ ادا کرتے ہیں اور فن خطابت کے پیشرفتہ دورے کے انعقاد کی دعوت بھی دیتے ہیں۔
انہوں نے فن خطابت کو وقت کی ضرورت بھی قرار دیا۔
فن خطابت کے مقدماتی کورس میں شرکت کرنے والی خواہران نے شاندار انداز سے فن خطابت کا مظاہرہ کیا۔
مدرسہ زینبیہ لاہور کے پرنسپل اور امام جمعہ جوہر ٹاؤن مولانا ملک محمد سبطین اکبر صاحب نے اظہار خیال کرتے ہوئے کہا کہ ہم علامہ ڈاکٹر محمد ڈاکٹر یعقوب بشوی صاحب کے نہایت شکر گزار ہیں کہ آپ نے انتہائی محنت کے ساتھ مبلغات کے لیے فن خطابت کورس کا انعقاد کیا، یہ ادارہ ان کا اپنا ہے ہمیں ان پر فخر ہے۔
انہوں نے فن خطابت کے تکمیلی کورس کے انعقاد کے لیے بھی ڈاکٹر بشوی سے گزارش کی کہ وہ فن خطابت کے آخری کورس کا اہتمام کروائیں اور طالبات کی علمی ترقی کا باعث بنیں۔
آخر میں علامہ ڈاکٹر محمد یعقوب بشوی صاحب نے المصطفٰی انٹرنیشنل یونیورسٹی اور ادارہ منہاج الحسین کے سرپرست علامہ ڈاکٹر محمد حسین اکبر اسلامی نظریاتی کونسل کے رکن کا خصوصی شکریہ ادا کیا اور کہا آپ کی بے لوث خدمات سب کے سامنے ہیں، اس شجرۂ طیبہ سے پاکستان بھر کے لیے مبلغات اور معلمات نکلیں گی۔
دورہ فن خطابت کے کامیاب انعقاد پر پرنسپل مدرسہ ہذا اور دیگر مسئولین کا شکریہ ادا کیا۔
اس پروگرام میں مبلغات کے دو گروہوں کے درمیان تقریری مقابلہ بھی منعقد ہوا، جس میں تمام خواہران نے بہترین انداز میں خطابت کے جوہر دکھائے۔
پہلے گروہ سے خواہران فاطمہ جاوید نے پہلی، ارفع بتول نے دوسری، جبکہ لبابہ علوی نے تیسری پوزیشن حاصل کی اور فوزیہ مقصود کو تشویقی انعام سے نوازا گیا۔
دوسرے گروہ سے خواہران امل رباب نے پہلی، تطہیر فاطمہ نے دوسری، تسکین کاظمی نے تیسری پوزیشن حاصل کی، جبکہ نمرہ ریاض نے تشویقی انعام لیا۔
کلاسوں میں منظم طور پر شرکت کرنے والی طالبات عالیہ بتول اور زرین فاطمہ کی حوصلہ افزائی کی گئی۔
فن خطابت کی اختتامی تقریب کی نظامت کے فرائض خواہر علیشا فرحت نے بہترین انداز سے سر انجام دیئے۔
